મૌની રોયના આવતા વર્ષે બોયફ્રેન્ડ સૂરજ નામ્બિયાર સાથે લગ્ન, દુબઈ અથવા ઈટલીમાં ડેસ્ટિનેશન વેડિંગ

બોલિવૂડ તથા ટીવી એક્ટ્રેસ મૌની રોય બોયફ્રેન્જ સૂરજ નામ્બિયાર સાથે લગ્ન કરવાની છે. મૌની આવતા વર્ષે જાન્યુઆરીમાં દુબઈ કે ઈટલીમાં લગ્ન કરશે. પશ્ચિમ બંગાળના નાનકડા શહેર કૂચ બિહારની મૌની રોય હોમટાઉનમાં પણ ફંક્શન રાખવાની છે.આ વર્ષની શરૂઆતમાં મૌનીની માતા મંદિરા બેદીના ઘરે સૂરજના પેરેન્ટ્સને મળી હતી. એક્ટ્રેસના કઝિન વિદ્યુત રોય સરકારે કૂચ બિહારના લોકલ ન્યૂઝપેપર સાથેની વાતચીતમાં મૌનીના લગ્ન અંગે વાત કરી હતી.વિદ્યુતે કહ્યું હતું કે મૌની જાન્યુઆરી, 2022માં સૂરજ સાથે લગ્ન કરશે. આ લગ્ન ડેસ્ટિનેશન વેડિંગ રહેશે અને તે દુબઈ અથવા તો ઈટલીમાં યોજાશે. ડેસ્ટિનેશન વેડિંગ બાદ કૂચ બિહારમાં પણ એક ફંક્શન યોજવામાં આવશે. તે પોતાના પરિવાર સાથે મૌનીના લગ્નમાં હાજરી આપશે.સૂરજ દુબઈમાં બેંકર તથા બિઝનેસમેન છે. તે બેંગુલુરના જૈન પરિવાર સાથે સંબંધ ધરાવે છે. સૂરજ તથા મૌની લાંબા સમયથી એકબીજાના રિલેશનશિપમાં છે.મૌનીના સંબંધો આ પહેલાં ગૌરવ ચોપરા સાથે હતા. ગૌરવથી અલગ થયા બાદ મૌનીના સંબંધો મોહિત રૈના સાથે હતા. જોકે, આ સંબંધોને 2018માં અંત આવ્યો હતો.