અક્ષય કુમારના ખૂંખાર લૂકે ફેન્સને પ્રભાવીત કર્યા, રિલીઝ થશે ફિલ્મનું પહેલું ગીત

 થોડા દિવસ પહેલા જ અક્ષય કુમાર ની આગામી ફિલ્મ ‘બચ્ચન પાંડે’નું ટ્રેલર રિલીઝ થયું છે. લોકોને આ ફિલ્મનું ટ્રેલર ખૂબ જ પસંદ આવ્યું છે. આમાં અક્ષય કુમાર ગેંગસ્ટરના રોલમાં જોવા મળે છે. અક્ષય કુમારનો ખૂંખાર લૂક દર્શકોને પહેલેથી જ પસંદ આવી રહ્યો છે. હવે અક્ષય કુમારની આ ફિલ્મના પહેલા ગીતનું ટીઝર રિલીઝ કરવામાં આવ્યું છે. પહેલા ગીત ‘માર ખાયેગા સોંગ’ના ટીઝરમાં અક્ષય કુમારની જબરદસ્ત સ્ટાઈલ લોકોને પસંદ આવી રહી છે, જે આજે રિલીઝ થવા જઈ રહ્યું છે.અક્ષય કુમારે ‘માર ખાયેગા’નું ટીઝર સોશિયલ મીડિયા પર શેર કર્યું છે. આમાં અક્ષય ખૂબ જ ગુસ્સામાં જોવા મળી રહ્યો છે. આ ગીતનું ટીઝર શેર કરતાં અક્ષય કુમારે કેપ્શનમાં લખ્યું, ‘બચ્ચનનું ટશન જોવા માટે તૈયાર છો? ધ એવિલ સોંગ… માર ખાયેગા ગીત 12:30 વાગ્યે લોન્ચ થશે.અક્ષય કુમારના ચાહકો આ ગીતની રિલીઝની આતુરતાથી રાહ જોઈ રહ્યા છે. અક્ષય કુમારની પોસ્ટ પર ફેન્સ કોમેન્ટ કરી રહ્યા છે કે, તે આ ગીત માટે ખૂબ જ ઉત્સાહિત છે. તો, એક યુઝરે લખ્યું છે – હવે રાહ સમાપ્ત થઈ નથી.તમને જણાવી દઈએ કે, ‘બચ્ચન પાંડે’નું ટ્રેલર પણ ચાહકોને ખૂબ જ પસંદ આવ્યું હતું. કૃતિ સેનન અને અક્ષય કુમાર ઉપરાંત આ ફિલ્મમાં અરશદ વારસી, પંકજ ત્રિપાઠી, જેકલીન ફર્નાન્ડીઝ અને સંજય મિશ્રા છે. આ ફિલ્મને એક્શન અને કોમેડીનો જબરદસ્ત કોમ્બિનેશન માનવામાં આવે છે. સાજિદ નડિયાદવાલા સાથે અક્ષય કુમારની આ ચોથી ફિલ્મ છે. બંનેએ અગાઉ ‘એન્ટરટેનમેન્ટ’, ‘હાઉસફુલ 3’ અને ‘હાઉસફુલ 4’ જેવી ફિલ્મોમાં સાથે કામ કર્યું છે. ફિલ્મના નિર્દેશક ફરહાદ સામજી છે.