ભિલોડા ત્રણ રસ્તા પર ટ્રક અને બાઈક વચ્ચે ગંભીર અકસ્માતમાં માતા અને પુત્રનું કમકમાટીભર્યું મોત

ગઈ કાલે મંગળવારે રાત્રે સાબરકાંઠાના જિલ્લાના ઈડરના ભિલોડા ત્રણ રસ્તા પર ટ્રક અને બાઈક વચ્ચે ગંભીર અકસ્માતમાં માતા અને પુત્રનું કમકમાટીભર્યું મોત નીપજ્યું છે. અકસ્માત સર્જાયા બાદ ટ્રકચાલક ફરાર થયો હતો. સમગ્ર ઘટનાને લઈને ઈડર પોલીસે વધુ તપાસ હાથ ધરી છે. ઈડર તાલુકાના ભિલોડા ત્રણ રસ્તા પાસે પૂરઝડપે આવતા ટ્રકચાલકે બાઈકને ટક્કર મારતા ગમખ્વાર અકસ્માત સર્જાયો હતો. જેમાં મેળામાંથી પરત ફરી રહેલા ધીરજભાઈ સોલંકીના પત્ની નેહલબહેન અને તેમના પાંચ વર્ષના પુત્ર મોક્ષને ગંભીર ઈજાઓ થતા ઘટના સ્થળે મોત નીપજ્યું હતું. ધીરજભાઈને સામાન્ય ઈજા પહોંચી હતી.