કોંગ્રેસના દિગ્ગજ નેતા દિગ્વિજય સિંહની કારે બાઈકને ટક્કર મારતા યુવાન 10 ફૂટ ઉછળ્યો

 મધ્યપ્રદેશના રાજગઢ જિલ્લામાં પૂર્વ મુખ્યમંત્રી અને કોંગ્રેસના દિગ્ગજ નેતા દિગ્વિજય સિંહની કારે બાઇક સવારને ટક્કર મારી હતી. ટક્કર એટલી જબરદસ્ત હતી કે બાઇક સવાર યુવક 10 ફૂટ દૂર જઈને પોલ સાથે અથડાઈ ગયો. માથામાં ઈજાના કારણે તેને ભોપાલ રિફર કરવામાં આવ્યો છે.

યુવક 10 ફૂટ દૂર થાંભલા સાથે અથડાયો
પૂર્વ મુખ્યમંત્રી દિગ્વિજય સિંહ ગુરુવારે રાજગઢ જિલ્લાના કોડક્યા ગામમાં કોંગ્રેસ જિલ્લા અધ્યક્ષને મળ્યા બાદ રાજગઢ જવા રવાના થઈ રહ્યા હતા. તે જ સમયે બપોરના 2.30 વાગ્યાના સુમારે ઝીરાપુર નજીક વિજય કોન્વેન્ટ સ્કૂલની સામે એક બાઇક સવાર તેમની કાળા કલરની ફોર્ચ્યુનર સામે આવ્યો હતો. ફોર્ચ્યુનર સાથે બાઇક એટલી ઝડપે અથડાયું કે યુવક કૂદીને 10 ફૂટ દૂર એક પોલ સાથે અથડાયો.