મમ્મીએ 8 વર્ષની દીકરીને ડિટર્જન્ટ લેવા મોકલી, પણ સગીર દુકાનદારે અંદર ખેંચી લીધી

રાજકોટ :ગુજરાતમાં હવે નરાધમો હદ વટાવી રહ્યાં છે. માસુમ બાળકીઓને પોતાની હવસ સંતોષવ માટે નિશાન બનાવી રહ્યાં છે. સુરત અને ગાંધીનગરમાં બાળકીઓના દુષ્કર્મની આગ હજી શમી નથી, ત્યાં રાજકોટમાં 8 વર્ષની બાળકી સાથે સૃષ્ટિ વિરુદ્ધનું કૃત્ય આચરવામાં આવ્યું છે. 

રાજકોટના નવાગામ પાસે 8 વર્ષની માસુમ બાળકી સાથે દુષ્કર્મની ઘટના બની છે. ચોંકાવનારી બાબત એ છે કે, બાળકી સાથે દુષ્કર્મ કરનાર સગીર નીકળ્યો. નવાગામના એક પરિવારે તેમની 8 વર્ષની દીકરીને નજીકના દુકાનમાં ડિટર્જન્ટ પાવડર લેવા મોકલી હતી. બાળકી દુકાનમાં ગઈ હતો તો ત્યાં સગીરે દુકાનમાં પુરીને તેની સાથે દુષ્કર્મ આચર્યું હતું. દુકાનથી પરત આવીને બાળકીએ પોતાના પરિવારજનને આ વિશે જાણ કરી હતી. ત્યારે સમગ્ર મામલો પોલીસ મથકે પહોંચ્યો હતો. કુવાડવા પોલીસ દ્વારા સમગ્ર મામલે ફરિયાદ નોંધી મહિલા પોલીસ મથકને તપાસ સોંપી છે.