સુરવીન ચાવલાનાં ઘરે પુત્રીનાં વધામણાં

(જી.એન.એસ.)મુંબઈ,તા.૨૦
બોલીવુડ એકટ્રેસ સુરવીન ચાવલાના ઘરે પારણું બંધાયુ છે. એક સુંદર પુત્રીને જન્મ આપનાર સુરવીને તેની પુત્રીનું નામ ઈવા રાખ્યુ છે. ઈવાનો જન્મ ૧૫ એપ્રિલે થયો છે. પુત્રીનો જન્મ થતાંજ સુરવીન ખુબજ ખુશખુશાલ છે. એક ઈન્ટરવ્યૂમાં તેણે પોતાની ખુશી વ્યક્ત કરી છે. સુરવીને પોતાની પુત્રીની તસવીરો સોશિયલ મીડિયા પર શેર કરી છે.
સુરવીને કહ્યું કે આ વાતને શબ્દોમાં વર્ણવવી અશક્ય છે. આને ફક્ત અનુભવી શકાય છે, એક માતા તરીકે મારી જવાબદારી હવે શરૂ થઈ. તેણે કહ્યું કે આ અનુભવ ખુબજ યાદગાર રહ્યો. વી ફિલ સો બ્લેસ્ડ. સુરવીન ચાવલાએ અક્ષય ઠક્કર સાથે જુલાઈ ૨૦૧૫માં લગ્ન કર્યા હતા. રિપોર્ટ અનુસાર સુરવીને અક્ષય સાથે ખાનગીમાં લગ્ન કર્યા હતા. ૨૦૧૭માં પોતાની લગ્નની જાહેરાત કરી હતી. હવે કપલ મેરેજ લાઈફને ખુબજ એન્જાય કરી રહ્યા છે.
સુરવીને પ્રેગનેન્સી દરમિયાન કામ કરવાનો નિર્ણય કર્યો હતો. સુરબીન ચાવલાની બેબી બમ્પ ફ્લોન્ટ કરતી તસવીરો વાયરલ થઈ છે. વર્ક ફ્રંટની વાત કરીએતો સુરવીન એકતા કપુરના શો કહીં તો હોગાથી પોતાની કેરિયરની શરૂઆત કરી હતી.