પાદરાના મકાનમાં યુવક સવારે દૂધ લેવા ગયો અને ચોરોએ સાફસૂફી કરી નાખી

વડોદરાના પાદરામાં હનુમાનજીવાળા ફળિયામાં ઠીકરીયા મુબારક ખાતે રહેતા હરેશ રણછોડભાઈ સોલંકી સરસવની ગામની સીમમાં આવેલી બરોડા ફ્રુટ કંપનીમાં નોકરી કરે છે. તેમને કંપનીની નજીક મકાન પણ ફાળવવામાં આવ્યું છે.

ગઈકાલે સવારના તેઓ પત્નીને લઈને ઠીકરીયા મુબારક ખાતે માતા-પિતા રહે છે ત્યાં ભેંસોનું દૂધ લેવા માટે ગયા હતા અને અડધો કલાક પછી પરત ફર્યા ત્યારે ઘરના દરવાજાનું લોક તૂટેલું હતું. તેમજ અંદર બેડરૂમમાં મુકેલ સોનાની એક વીંટી, ચાંદીની ચાર વીંટી અને રોકડ મળી કુલ રૂ.59000ની ચોરી થઈ હોવાનું જણાયું હતું. આ અંગે હરેશ સોલંકીએ પાદરા પોલીસ સ્ટેશનમાં ગઈ રાત્રે ફરિયાદ નોંધાવતા પોલીસે વધુ તપાસ હાથ ધરી છે.